Исландия Россиядаги элчихонасини ёпди
1 августдан бошлаб Исландиянинг Москвадаги элчихонаси иши тўхтатилади.
"Бу осон қарор эмас, чунки Исландия 1944-йилда мустақилликка эришганимиздан бери Россия халқи билан бой муносабатларга эга. Бироқ, ҳозирги вазият Исландиянинг кичик дипломатик хизматига Россияда элчихонага эга бўлишига имкон бермаяпти", - дейди ташқи ишлар вазири Тордис Гилфадоттир.
“Умид қиламанки, шароитлар бир кун келиб Россия билан нормал ва самарали муносабатлар ўрнатишимизга имкон беради, аммо бу Кремл қабул қиладиган қарорларга боғлиқ”, — дея қўшимча қилди вазир (элчихона сайтидан иқтибослар).
Шу билан бирга, Исландия Россиядан Рейкявикдаги элчихона фаолиятини чеклашни ва дипломатик ваколатхона даражасини пасайтиришни талаб қилди. Бу талаб Дипломатик муносабатлар тўғрисидаги Вена конвенциясининг 11-моддаси билан боғлиқ бўлиб, у ходимлар сонига ишора қилади - қабул қилувчи давлат "шароитда оқилона ва нормал деб ҳисоблаган" чегаралар ичида бўлиши керак.
Москвадаги элчихона фаолиятини тўхтатиш тўғрисидаги қарор дипломатик муносабатларни узиш эмас ва шароитлар имкон бериши билан Исландия ўз фаолиятини қайта тиклашга устувор аҳамият беради, дейилади дипломатик миссия баёнотида.
