Инсон қадри Фарғонада бошқача
Мамлакатимизда Инсон қадрини таъминлаш борасида жуда кўплаб хайрли ишлар амалга оширилмоқда. Бу каби эзгу ишларга Миллий гвардия бош-қош бўлаётгани қувонарлидир.
Хабарингиз бор, Ўзбекистон Республикаси Президентининг “Етим болалар ва ота-она қарамоғидан маҳрум бўлган болаларни тарбиялашнинг тубдан янгиланган тизимини жорий этиш тўғрисида”ги қарорига кўра Миллий гвардия ходимлари ушбу сохага маъсул этиб белгиланган.
Фарғона вилояти Миллий гвардия бошқармаси бошлиғи, вилоят ҳокимлиги 18 ноябрь куни Данғара туманига ташриф буюриб, фуқаро Малика Матасясева мурожаатини атрофлича ўрганди.
Фуқаро полковникка юзланиб, тақдир синовлари сабаб Бухоро вилоятидан Фарғонага келиб қолгани, кейинчик оила қургани ва турмуши ўхшамаганидан ёрдам берилишига эҳтиёж сезганини айтади.
Мурожаат алоҳида назоратга олиниб, Маликанинг муаммолари шу куннинг ўзида ижобий ҳал этилди. Хусусан, туман ҳокимлиги хотин-қизлар бўйича ўринбосари Мадина Aзизова томонидан Увасий МФЙ Aмир Темур кўчаси 11-уй ижарага олиниб, тўловлари ҳокимлик манбалари ҳисобидан қоплаб келинган. Данғара тумани депутати Одилжон Жабборов, фуқаро М.Матосясева бандлигини таъминлаш ва ишга жойлашишида ёрдам қилиб тадбиркорлик субъектидаги супермаркетига тахловчи лавозимига ишга олди.
Ундан ташқари, фуқаронинг дорихонадан мавжуд 300 (уч юз минг ) сўмлик қарзини тўлаб берди. Бундан кейинги ижара тўловларида ҳам депутат 6 ойгача бўлган муддатда моддий ёрдам беришини айтди.
Фуқаро М.Матосясева муқаддам, Бухоро вилоятида яшаб келгани сабаб Бухоро вилояти ҳокимлиги бола ҳуқуқларини ҳимоя қилиш шўбаси раҳбари ижтимоий ётоқхоналар берилишини маълум қилди. Фарғонада қолишни истаса, ойлик даромадга эга бўлган тақдирда субсидияга уй олиш имкони борлиги ҳақида қизга тушунтириш ишлари олиб борилди.
"Ишдан бўш вақтларимда бир ярим соатлик ўқув курсларига тикувчилик касбини ўргангани бораман. Мономарказ томонидан бугун буйруқ чиқарилиб, ўқишга қабул қилиндим. 700 мингдан стипендия тайинланди. Моддий аҳволимни яхшилаган тақдиримда субсидияга уй олмоқчи бўлсам бошланғич тўловларини ҳокимлик манбалари ҳисобидан тўлаб берилишини эшитиб, хурсанд бўлдим", - дейди қиз.
Маликахон амалдаги қонунчиликка кўра "Aёллар дафтарига" киритилиб, мономарказдан сертификат олган тадқирда тикув машина олиб берилишини Миллий гвардия ўз назоратига олди. Aваллроқ ушбу мурожаат бўйича Миллий гвардия бошқармаси расмий муносабат берган эди.
Шермуҳаммад Деҳқонов,
ҳуқуқшунос блогер
