Илон Маскнинг Neuralink компанияси инсон мия чипларини синаш учун рухсат олди

Илон Маскнинг Neuralink компанияси АҚШ озиқ-овқат ва фармацевтика идорасининг (FDA) инсон мия чипларини синаш учун рухсат олди.

"Биз одамларда биринчи клиник синовимизни бошлаш учун FDA рухсатини олганимизни эълон қилишдан мамнунмиз", деди компания Twitter'даги постида.

Neuralink кўнгиллиларни олиш ҳали эълон қилинмаганини таъкидлади.

2020 йилда Илон Маск тақдимот пайтида мия имплантацияси ўрнатилган чўчқани кўрсатди. Маск асос солган Neuralink компанияси имплантат келажакда фалаж, Алцгеймер касаллиги ва деманс каби касалликларни даволаш имконини беришига умид қилмоқда.