Ҳозирда Теҳрон ва АҚШ ўртасида музокаралар олиб борилмаяпти

Ҳозирда Теҳрон ва АҚШ ўртасида музокаралар олиб борилмаяпти — Эрон ТИВ.

Аббос Ароқчининг бошқа баёнотлари:

— Хабар алмашиш давом этмоқда, лекин бу музокара эмас. Ҳозирча мулоқот учун ҳеч қандай асос йўқ, ишонч даражаси нолга тенг;

— Биз ўт очишни тўхтатишни қабул қилмаймиз. Мақсадимиз эса урушга чек қўйиш ва бундай тажовузлар бошқа такрорланмаслигига кафолат олиш;

— Биз Эрон халқига ва давлатига етказилган зарар кўлами учун товон пули тўланишини талаб қиламиз;

— Ультиматумларни қабул қилмаймиз. Ҳеч ким биз учун муддат белгилай олмайди;

— Ҳўрмуз бўғози ҳозирда очиқ, у фақат Эрон билан уруш ҳолатида бўлганлар учун ёпиқ;

— Баъзи давлатлар Эрон билан келишувга эришганидан кейингина бўғоздан ўтмоқда;

— Қуруқликдаги урушда биз рақиблардан анча устунмиз. Мамлакатимизга нисбатан ҳар қандай қуруқликдаги таҳдидга қарши туришга тўлиқ тайёрмиз;

— Биз Форс кўрфазидаги дўстларимизга ҳужум қилмаймиз. Нишонимиз, афсуски, ушбу мамлакатларда жойлашган АҚШ объектлари ва қўшинларидир;

— Улар Форс кўрфази халқидан "тирик қалқон" сифатида фойдаланишмоқда;

— Минтақадаги дўстларимиз биздан шикоят қилиш ўрнига, Вашингтон ва сионистик режим устидан арз қилишлари керак. Бу ҳақиқатдан ҳам адолатсизликдир.