Ҳиндистонда вояга етмаган қизларга уйланган эркаклар ҳибсга олинди

Ҳиндистонда вояга етмаган қизларга уйланган эркаклар ҳибсга олинди

Ҳиндистоннинг шимоли-шарқидаги Ассам штатида полиция ходимлари эрта никоҳга қарши кураш доирасида уюштирилган рейдда 2169 эркакни ҳибсга олди. Бу ҳақда «Коммерсантъ» хабар берди.

Маҳаллий полиция бошлиғи маълумотларига кўра, эркаклар полиция томонидан очилган 4074 та иш бўйича ҳибсга олинган.

Айрим аёллар эрининг ҳибсга олинишига қарши чиққан. «Биз бирга яшаётгандик, зўрға кун кўраётган бўлсак ҳам, бахтиёр эдик. Эрим ҳибсга олингандан кейин ким бизни таъминлайди?», дейди аёллардан бири.

1978 йилда Ҳиндистон қонунчилигига эркаклар 21 ёшда, аёллар эса 18 ёшда турмуш қуришга рухсат берувчи ўзгартириш киритилди. Ушбу чекловлар бугунги кунда ҳам амалда. Бироқ, Ҳиндистонда даромад пастлиги сабабли, 18 ёшгача бўлган қизлар билан турмуш қуриш асосан қишлоқ аҳолиси орасида кенг тарқалган.

2021 йил декабр ойида Ҳиндистон парламентига эркаклар ва аёллар учун никоҳнинг энг кам ёшини 21 ёшга тенглаштириш ҳақидаги қонун лойиҳаси тақдим этилган эди. Бироқ, ҳужжат ҳали тасдиқланмади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!