General Motors Хитойдаги ходимларини ишдан бўшатади
General Motors Хитойдаги ходимларини ишдан бўшатади. Бу ҳақда “ITHome” хабар бермоқда.
Қайд этилишича, компаниянинг ходимларини ишдан бўшатишига сотув тушиб кетгани ва Хитойдаги ўз стратегиясини ўзгартириши сабаб қилиб кўрсатилмоқда.
Маълумотларга кўра, “SAIC-GM” маҳаллий компнаиясининг июл ойидаги сотуви ўтган йилнинг шу даврига нисбатан 82,42%га камайди.
General Motors Хитойда иш жойларини қисқартирмоқда ва яқин орада маҳаллий ҳамкори “SAIC” билан учрашиб, Хитойдаги операцияларида кенгроқ таркибий ўзгаришларни режалаштирмоқда.
Бу масаладан хабардор одамлар унинг сотуви 2017-йилнинг тўлиқ йиллик чўққисига қайтиши даргумон эканлигини тан олишди.
Таъкидланишича, дунёдаги энг йирик автомобил бозори бўлган Хитойда хорижий брендлар кўплаб маҳаллий рақиблар билан рақобатлашмоқда ва ҳозирда катта ҳажмдаги ортиқча имкониятларга дуч келмоқда.
Қайта қуриш электромобил ишлаб чиқаришга ўтишни, кўпроқ премиум моделларга эътиборни ва премиум автомобилларни импорт қилишни ўз ичига олади.
