Финляндия президенти Ниинистё Украина Қуролли кучларига яна учта Leopard 2 танкини етказиб беришни маъқуллади.
Финляндия президенти Саули Ниинистё Киев учун янги, 14 ёрдам пакети доирасида Украина Қуролли кучларига яна учта Leopard 2 танкини етказиб беришни маъқуллади.
Бу ҳақда Финляндия мудофаа вазири Антти Кайкконен матбуот анжуманида гапирди.
“Республика президенти Украинага ҳарбий ёрдамнинг 14-пакетини тасдиқлади. У учта Leopard 2 танкини ўз ичига олади”, — деди Кайкконен.
Шу билан бирга, YLE'нинг аниқлик киритишича, Финляндия Leopard 2 танки асосидаги учта зирҳли минадан тозалаш машинасини Киевга ўтказмоқда.Шунингдек, 161 миллион еврога баҳоланган ёрдам пакетига оғир қуроллар ва ўқ-дорилар киради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
