Эрон Қора денгиз йўлагидан дон ташишда иштирок этишга тайёр эканини билдирди
Эрон ташқи ишлар вазири Ҳусайн Амир Абдуллахиён украиналик ҳамкасби Дмитрий Кулеба билан телефон орқали суҳбатлашганда Теҳрон Қора денгиз йўлагидан дон ташишда иштирок этишга тайёр эканини билдирди.
"Эрон Ислом Республикаси билан Украина муносабатлари 30 йилдан буён ҳар доим дўстлик, ҳурмат, ўзаро манфаатдорлик ва ҳамкорликка асосланиб келган. Шундай экан, биз Қора денгиз йўлагидан дон ташишни йўлга қўйиш бўйича битим доирасида иштирок этишга тайёрмиз", – дея келтиради вазирнинг гапларини IRNA агентлиги.
Бундан ташқари, Эрон ташқи сиёсат идораси раҳбари Кулебани Теҳронга таклиф қилган.
Абдуллахиённинг қўшимча қилишича, Теҳрон РФ билан Украина ўртасида юз берган инқироз илдизига эътибор берар экан, ҳарбий ҳаракатларга қарши эканини билдирган ва уруш муаммони ҳал этиш учун мақбул ечим эмаслигини таъкидлаган.
