Эрдўғаннинг айтишича, ҳокимият зилзила қурбонлари учун 319 минг уй қуради

Туркия ҳукумати 319 мингта уй қуриб, уларни зилзилалардан жабр кўрган аҳолига топширишни режалаштирмоқда, деди Туркия раҳбари Ражаб Тоййиб Эрдўған.

“Биз бир йил ичида вайрон бўлган шаҳарларни қайта тиклашга ваъда берган эдик. Тез орада зарарни баҳолашни якунлаймиз. Бир йил ичида биз 319 мингта уйни қонуний резидентларга беришни режалаштирмоқдамиз, жами 650 минг уй қурамиз”, — дея унинг сўзларини келтиради ТАСС.

Туркия Қишлоқ ва ўрмон хўжалиги вазири Ваҳит Киришчининг сўзларига кўра, Туркиядаги зилзилалардан кўрилган зарар тахминан 80 миллиард долларни ташкил этади.