Эрдўған: Ғазо БМТнинг Инсон ҳуқуқлари умумжаҳон декларацияси қўпол равишда бузилаётган жой
Ғарб жамиятларини заҳарли печак каби қамраб олган исломофобия ва ксенофобия инсон ҳуқуқларига таҳдид солаётган асосий таҳдидлардан биридир. Бу ҳақда Туркия президенти Ражаб Тоййиб Эрдўғaн Бутунжаҳон инсон ҳуқуқлари кунига бағишланган «Инсоният юзи» дастурида айтиб ўтди.
Президентимиз 10 декабрь Бутунжаҳон инсон ҳуқуқлари куни сифатида нишонланишига қарамай, дунёнинг кўплаб мамлакатларида инсон ҳуқуқлари поймол этилаётганини таъкидлади.
Ксенофоб, ирқчилик, дискриминация ва фашистик амалиётлардан энг кўп жабр кўраётганлар, шубҳасиз, муҳожирларнинг кўп қисмини ташкил этувчи мусулмонлардир, деди Эрдўған.
Эрдўғaннинг сўзларига кўра, Канададан АҚШгача, Европадан Осиё мамлакатларигача дунёнинг кўплаб жойларида мусулмонлар ва муҳожирларга қарши провокацияларнинг кучайиши кузатилмоқда.
«Ғарб давлатлари фикр эркинлиги баҳонасида ислом ва мусулмонларга қарши ҳаракатларни қонунийлаштирди, маъқуллади ва рағбатлантирди», — деди Эрдўған.
Туркия раҳбари бугунги кунда БМТнинг Инсон ҳуқуқлари умумжаҳон декларацияси қўпол равишда бузилаётган жой Ғазо сектори ва босиб олинган Фаластин ҳудудлари эканини таъкидлади.
«Исроил ҳукумати Ғарбнинг чексиз қўллаб-қувватлашидан баҳраманд бўлиб, Ғазода бутун инсониятни қизариб юборадиган шафқатсиз ваҳшийлик ва қирғинларни амалга оширмоқда», деди Эрдоған.
Шу билан бирга, Туркия раҳбари адолатли тинчлик ҳақиқатда мумкин, аммо АҚШ билан эмас, деб ҳисоблайди: «Чунки Америка Исроил томонида», - дейди у.
Бундан ташқари, Туркия раҳбари БМТ Хавфсизлик кенгашидаги вазиятга эътибор қаратди.
«7-октабрдан бери БМТ Хавфсизлик Кенгаши Исроилни ҳимоя қилувчи ва унга ғамхўрлик қилувчи кенгашга айланди», деб ҳисоблайди Эрдўған.
Шу билан бирга, президент яна бир бор БМТ Хавфсизлик Кенгашидаги овоз беришга эътибор қаратди, унда «дунё бешдан катта» эканлиги яна бир бор ўзини намоён қилди. «Бирлашган Миллатлар Ташкилоти Хавфсизлик Кенгашининг ислоҳоти зарурий шартга айланди», — деди Эрдўғaн.
Ғазо қассоблари инсониятга қарши жиноятлари учун халқаро судлар олдида жавоб бериши керак.«Бундай Бирлашган Миллатлар Ташкилоти ва БМТ Хавфсизлик Кенгаши билан инсоният ҳеч нарсага эриша олмайди», деб ҳисоблайди Туркия раҳбари.
