«E-auksion» орқали сув ҳавзалари ижарага берилади

Ўзбекистон Республикаси Адлия вазирлигидан олинган маълумотларга кўра, «E-auksion» электрон савдо платформасидаги онлайн-аукцион орқали тадбиркорларга сув ҳавзалари ижарага берилади.

Хусусан, бу ерда саноат наслчилиги ва балиқчилик учун табиий ва сунъий сув ҳавзаларини ижарага олиш мумкин. Шунингдек, аукцион орқали пляж зоналари қуриш, балиқ овлаш, қайиқда сузиш ва сув саёҳатларини амалга ошириш, балиқ маҳсулотлари, жумладан балиқли таомлар савдоси хизматларини тақдим этиш учун дарёлар атрофидаги ҳовузлар, сув омборлари ва қишлоқ хўжалигига мўлжалланмаган ер участкаларини ҳам ижарага олиш мумкин.