Дам олиш кунлари Анталияга 45 минг сайёҳ келмоқда

Дам олиш кунларида Анталияга 45 мингга яқин хорижлик сайёҳ келмоқда.

Қуёши, қуми ва пляжлари, тарихи, табиати ва маданий қадриятлари билан дунёнинг турли бурчакларидан сайёҳларни ўзига тортаётган Анталияда мавсум тез бошланди.

Анталия губернатори Эрсин Язижи шаҳарнинг ёз мавсумига тайёрлигини билдирди.

Шаҳарда зичлик бошланганини ифода этган Язижи , бу йилги сайёҳлар сони ва даромад кутишлари юқори эканлигини қайд этди.

Язижи, 24-февралдан бери давом этаётган Россия-Украина урушига қарамай, шаҳардаги туризм фаоллиги ҳам Анталия аҳолисини, ҳам секторни хурсанд қилганини айтди.

"Тахминан бир ойдан буён кунига 25 мингдан 30 минггача чет эллик сайёҳ келмоқда. Дам олиш кунлари эса бу рақам кунига 40 минг ёки 45 мингга етади". деди.

Губернатор Язижи бу йил шаҳарга келган сайёҳларнинг миллатида ҳам ўзгаришлар бўлганини таъкидлади.

Ўтган йили шаҳарга сайёҳ юборган давлатлар рўйхатида Россиянинг қарийб 40 фоиз сайёҳ билан анча олдинда бўлганини, украиналик сайёҳлар эса тахминан 14 фоиз билан иккинчи ўринни эгаллаганини эслатган губернатор Язижи , Германия, Полша ва Англиянинг 5- ўринда эканлигини қайд этди.

Бу йил рейтингнинг бутунлай ўзгарганига диққат қаратган Язижи:

" Бу йил келаётган сайёҳларнинг 29,5 фоизи Германиядан, 13,5 фоизи Англиядан, 13 фоизи Россиядан, 6,40 фоизи Нидерландиядан ва тахминан 4 фоизи Полшадан. "Украинадан келган меҳмонларимиз табиий равишда қисқарди. Бироқ Европа ва Шимолий Европа кўпайди. Саноат Германия ва Англиядан келганларнинг кўпайишидан жуда мамнун. Урушга қарамай, биз яхши мавсумни кутмоқдамиз ".