Буюк Британия Чарльз III тасвири туширилган илк тангаларни тақдим этди
Буюк Британия Қироллик зарбхонаси қирол Чарльз III тасвири туширилган илк тангаларни тақдим этди, дея хабар берилмоқда Royalmint расмий сайтида.
“Бугун биз қиролича Елизавета II'нинг ҳаёти ва меросига бағишланган эсдалик тангалар коллексиясида илк бор пайдо бўлган Қирол Чарльз III'нинг биринчи расмий суратини тақдим этишдан мамнунмиз”, - дейилади хабарда.
Эсдалик тангалар коллекцияси 3 октябрда сотувга чиқарилади. “
Қиролича Елизавета II ва қирол Чарльз III портретлари туширилган тангалар узоқ йиллар давомида муомалада бўлади”, - дея таъкидлади зарбхона матбуот хизмати.
Тангалардаги қирол портрети инглиз ҳайкалтароши Мартин Женнингс томонидан яратилган. Қироллик ва нумизматик анъаналарга кўра, тангадаги қиролнинг юзи чап томонга, яъни олдинги монарх қараган томонга қарама-қарши томонга бурилади. Масалан, портретдаги қиролича Елизавета II'нинг юзи ўнг томонга бурилган.
