Бухоро ҳокимлиги томонидан кечқурун 22:00 да ўтказилган видеоселектор борасида маълумот берилди

Бухоро ҳокимлиги томонидан кечқурун 22:00 да ўтказилган видеоселектор борасида маълумот берилди

Ижтимоий тармоқларда Бухоро вилояти ҳокимлиги томонидан 2021 йил 21 апрель куни соат 22:00 да қишлоқ хўжалиги масалаларига бағишланган видеоселектор йиғилиши ўтказилаётганлиги юзасидан мақола эълон қилинди. 

Мазкур хабар бўйича Бухоро вилояти Давлат меҳнат инспекцияси томонидан ходимлар ишдан ташқари иш вақтида мажлисга жалб қилинаётганлиги ҳақида Бухоро вилояти ҳокимиятининг мутассаддилари билан ҳолат юзасидан боғланилди ҳамда мазкур йиғилишнинг меҳнат қонунчилигига зид равишда ташкиллаштирилганлиги ҳақида огоҳлантирилди. 

Натижада, Бухоро вилояти ҳокимлиги томонидан йиғилиш ўтказилиши бўйича тушунмовчилик юзага келганлиги ва ҳолат бартараф этилиши тўғрисида маълум қилинди.  

Ҳолатга аниқлик киритиш мақсадида Бухоро вилояти Давлат меҳнат инспекцияси томонидан Бухоро вилояти ҳокимлигида мониторинг ўтказилганда, йиғилиш ўтказилмаётганлиги аниқланди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!