Британия ташқи ишлар вазири: Ғарб “ҳеч қачон Россияга таҳдид қилмаган”
Буюк Британия ташқи ишлар вазири Жеймс Клеверли Россия етакчиси Владимир Путиннинг Россия ҳудудий яхлитлигига таҳдид туғилган тақдирда халқни ҳимоя қилиш учун барча воситаларни ишга солишга тайёрлиги ҳақидаги баёнотини шарҳлар экан, CNN телеканалига берган интервьюсида Ғарб давлатлари ҳеч қачон Россияга таҳдид қилмаганини айтди.
“Биз ҳеч қачон Россияга таҳдид қилмаганмиз, унинг ҳудудий яхлитлигига тажовуз қилишга уринмаганмиз”, — дея унинг сўзларини келтиради РИА Новости.
Шунингдек, у Украинага ёрдам кўрсатишни давом эттиришга тайёрлигини эълон қилди.
Аввалроқ Путин агар Россия ҳудудий яхлитлигига таҳдид туғилса, рус халқини ҳимоя қилиш учун барча воситалар қўлланилишини айтган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
