БМТ Зеленскийнинг тошқинга секин жавоб бериш ҳақидаги айбловларига жавоб қайтарди

БМТ расмийлари Украина президенти Владимир Зеленскийнинг ташкилотни Каховка ГЭСи вайрон қилинганига ўз вақтида жавоб бермаганликда айблаган танқидига жавоб қайтарди.

БМТнинг гуманитар ёрдам координатори Денис Браун (у Херсон вилоятида жойлашган) Женевада журналистлар саволларига жавоб берар экан, БМТ ёрдам агентликлари жабрланган ҳудудларга жуда тез етиб келганини айтди. Шунингдек, унинг таъкидлашича, бугун минтақага бешта юк машинасидан иборат карвон зарурий буюмлар билан келади.

БМТ маълумотларига кўра, Украина назорати остидаги ҳудудда камида 17 минг киши жабрланган ва якуний кўрсаткич анча юқори бўлиши мумкин.

Ташкилот Россия томонидан босиб олинган ҳудудда тинч аҳолига кириш имконига эга эмас.

Брауннинг сўзларига кўра, тошқин сувлари олиб юрган миналар катта ташвиш уйғотмоқда. Натижада, бутун сув тошқини зонасини миналанган ҳудуд деб ҳисоблаш мумкин.

Юз минглаб одамлар ичимлик сувидан маҳрум бўлишди: сув таъминоти канализация, пестицидлар ва бошқа кимёвий моддалар билан ифлосланган.

Пайшанба куни Зеленский БМТ ва Қизил Хоч ташкилотини гидроелектр стансияси вайрон бўлиши оқибатида юзага келган сув тошқинига ўз вақтида жавоб бермагани учун танқид қилди.

"Россия Федерацияси содир этган портлаш туфайли Украинани дарҳол қўллаб-қувватлаган халқаро ташкилотларга жуда миннатдорчилик билдираман. Бундай экологик ҳалокатга олиб келган портлаш. Лекин бугун халқаро ташкилотларга миннатдорчилик билдира олмайман", - деди Зеленский.

Зеленскийнинг сўзларига кўра, Украина вакиллари зудлик билан ёрдам кўрсатиш ўрнига “мандат ҳақида, буни қилиш керакми ёки йўқми” деган жавоб олган.