БМТ Ўзбекистондаги афғон қочқинларини қўллаб-қувватлаш учун пул ажратади
Бирлашган Миллатлар Ташкилотининг Қочқинлар бўйича Олий комиссарлиги (UNHCR) мурожаатига кўра, 2023 йилда афғонларга ёрдам бериш учун 4,62 миллиард АҚШ доллари керак. Бу ҳақда БМТ сайтига таяниб, CentralAsia хабар берди.
«Афғонистон айни дамда дунёдаги энг йирик ва энг оғир гуманитар инқирозлардан бирини бошдан кечирмоқда. Рекорд даражадаги 28,3 миллион киши (аҳолининг учдан икки қисми), жумладан, аёллар ва қизлар инсонпарварлик ёрдами ва ҳимоясига муҳтож. Эҳтиёжлар аёлларга нисбатан яқинда қўйилган чекловлар, жумладан, нодавлат ташкилотларда ишлашни тақиқлаш билан янада кучаймоқда.
Департаментнинг фикрича, афғонларга молиявий ёрдам очлик, касаллик, тўйиб овқатланмаслик ва ўлимнинг олдини олиш учун муҳим бўлиб қолмоқда. 2022 йилда шунга ўхшаш мурожаат атиги 52 фоизга молиялаштирилди ва зарур бўлган 623 миллион доллардан 321 миллион доллар йиғилди.
Бундан ташқари, брифингда қўшни мамлакатлардаги афғон қочқинлари ва уларни қабул қилувчи мезбон оилаларни қўллаб-қувватлаш учун 13 миллион долларлик минтақавий режа эълон қилинди.
«2023 йилга мўлжалланган афғон қочқинларининг минтақавий қўллаб-қувватлаш режасига кўра, беш қўшни давлатда: Эрон, Покистон, Тожикистон, Туркманистон ва Ўзбекистонда истиқомат қилувчи афғонларни қўллаб-қувватлаш учун 613 миллион доллар ажратилади. Бу мамлакатларда 8,2 миллионга яқин афғон, жумладан, рўйхатга олинган икки миллиондан ортиқ қочқин яшайди. Уларнинг кўпчилиги ўнлаб йиллар давомида минтақада, асосан, Эрон ва Покистонда қолган», дейилади хабарда БМТ.
2021 йилдан бери Марказий Осиёга 1,6 миллион афғон қочқинлари келган. Қўллаб-қувватлашга муҳтожларнинг 70 фоизидан ортиғини аёллар ва болалар ташкил этади.
