БМТ қароргоҳида хавфсизлик чоралари кучайтирилди

Бирлашган Миллатлар Ташкилотининг ( БМТ ) Ню-Ёркдаги штаб -квартирасида Келажак саммити очилиши олдидан хавфсизлик чоралари кучайтирилди. Бу ҳақда ТАСС хабар бермоқда .

Нашрнинг қайд этишича, ташкилот штаб-квартирасида ОАВ вакиллари учун қўшимча назорат пунктлари ўрнатилган, текшириш тартиблари ҳам кучайтирилган.

Шунингдек, журналистлар учун штаб биноси ичида ва унинг ҳудудида ҳаракатланишга чекловлар жорий этилди. Агентликнинг қайд этишича, айрим секторларга, жумладан делегатлар келиш ҳудудига кириш учун БМТ ходимларидан эскорт бўлиши керак.