БМТ Ғазодаги ҳарбий можаронинг болаларга нисбатан ақл бовар қилмайдиган шафқатсизлигини эълон қилди

Бутунжаҳон болаларни ҳимоя қилиш куни муносабати билан БМТнинг Бола ҳуқуқлари бўйича қўмитаси Ғазо секторидаги қуролли можаро болаларга нисбатан ақл бовар қилмайдиган даражада шафқатсизликни кўрсатганини, беш ҳафта ичида ҳалок бўлган вояга етмаганлар сони 4,6 мингдан ошганини маълум қилди.

“Фақат беш ҳафта ичида Ғазода 4600 дан ортиқ бола ҳалок бўлди. Бу уруш қисқа вақт ичида ва биз сўнгги ўн йилликларда кўрмаган шафқацизлик даражасида кўпроқ болаларнинг ҳаётига зомин бўлди”, — дея ҳужжатдан иқтибос келтиради РИА Новости.