Блинкен НАТОнинг режалари ҳақдида маълум қилди
АҚШ Давлат котиби Энтони Блинкен НАТОнинг Украинага ёрдам бериш учун совет услубидаги ўқ-дорилар ишлаб чиқаришга сармоя киритиш режалари ҳақида хабар қилди.
Блинкеннинг CNN телеканалига билдиришича, альянс совет давридаги қурол тизимларига сармоя киритишни кўриб чиқмоқда.
"Биз украиналикларга керакли ва улар учун нима самарали бўлишини таъминлашнинг барча вариантларини кўриб чиқяпмиз. Бу ўнлаб йиллар давомида Украина Қуролли Кучларида бўлган совет давридаги қурол тизимларига ва, масалан, ушбу тизимларни ўқ-дорилар билан таъминлашга ҳам тегишли", — дейди АҚШ Давлат котиби.
26 ноябрь куни The New York Times газетаси НАТОга аъзо давлатлар Чехия, Словакия ва Болгариядаги эски заводларга у ерда совет услубидаги Украина артиллерия тизимлари учун снарядлар ишлаб чиқаришни қайта тиклаш учун сармоя киритиш имкониятини муҳокама қилаётгани ҳақида хабар берган эди.
Россия ва Украина ўртасидаги урушда кўплаб артиллерия снарядлари қўлланилмоқда. НАТО вакилининг The New York Times нашрига маълум қилишича, ёзда Донбассда Украина Қуролли кучлари кунига 6-7 минг, Россия армияси эса 40-50 минг снаряд ишлатган. Таққослаш учун, Афғонистондаги уруш пайтида Қўшма Штатлар ва унинг НАТО бўйича иттифоқчилари кунига 300 га яқин снаряд отган бўлса, ҳозирда Қўшма Штатлар ҳар ойда 15 минг снаряд отади.
