“Бекобод деҳқон бозори” МЧЖ собиқ назоратчисининг талон-торожликлари фош этилди

Бош прокуратура ҳузуридаги Департаментнинг Бекобод шаҳар бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, “Бекобод деҳқон бозори” МЧЖ собиқ бош назоратчиси К.Т. тадбиркорлардан йиғилган кунлик тушумнинг 287,3 млн сўмини, шунингдек МЧЖнинг корпоратив банк пластик картасидаги 19,9 млн сўмни шахсий эҳтиёжларига ишлатиб юбориб, жами 307,2 млн сўмни ўзлаштириш йўли билан талон-торож қилганлиги аниқланган.

Мазкур ҳолат юзасидан К.Т.га нисбатан Жиноят кодексининг 167-моддаси (талон-торож қилиш) билан жиноят иши қўзғатилиб, тергов ҳаракатлари ўтказилмоқда.