Байден АҚШнинг Туркманистон билан ҳамкорлигини кенгайтиришга умид қилмоқда
Қўшма Штатлар Туркманистон билан ҳамкорликни кенгайтириш ва мустаҳкамлашга умид қилмоқда.
Нейтрал Туркманистон газетаси хабар беришича, бу ҳақда АҚШ президенти Жо Байден туркманистонлик ҳамкасби Сердар Бердимуҳамедовни Республика Мустақиллик куни муносабати билан йўллаган табрикномасида маълум қилган.
"Биз иқлим инқирозини ҳал қилиш ва метан чиқиндиларини камайтириш бўйича биргаликда ишлаяпмиз. Келгуси йилда ҳамкорлигимизни янада мустаҳкамлаш ва кенгайтиришни интиқлик билан кутаман. Сиз ва бутун туркман халқига ўз миллий байрами - Мустақиллик кунини шодиёна ва тинч-осойишта нишонланишини тилайман”, деб ёзган Байден.
Байден Қўшма Штатлар ва Туркманистон минтақада хавфсизлик ва барқарорликни таъминлашга, жумладан, терроризмга қарши кураш орқали ёрдам бераётганини таъкидлади. У АҚШ халқи номидан Бердимуҳамедов ва туркман халқига энг эзгу тилакларини изҳор этди.
