АҚШда Россиянинг Т-72 танки дунёдаги энг яхши танклардан бири деб топилди

Американинг The National Interest журнали жанговар танклар рейтингини тузди, унда биринчи ўринни Россиянинг Т-72 танки эгаллади. Россия ишлаб чиқарган машина замонавий Ғарб моделлари - Американинг М1 Abrams ва Исроилнинг Merkava V’ни ортда қолдирди.

Журнал экспертлари танкларни етти мезон бўйича баҳоладилар: омон қолиш, юриш захираси, мослашувчанлик, ишлаб чиқаришнинг соддалиги, кўп функциялилик, ишончлилик ва ушлаб туриш. Муаллифларнинг фикрига кўра, 1973-йилги Т-72 барча кўрсатилган параметрларга жавоб беради. Уларнинг таъкидлашича, янги турдаги қуроллар, айниқса, учувчисиз учиш аппаратлари оммавий қўлланилаётган шароитда ҳам Т-72 ўзининг жанговар самарадорлигини сақлаб қолмоқда.

Муаллифларнинг фикрига кўра, танк арзон ва ишлаб чиқариш ва фойдаланиш учун оддий бўлиб, ўнлаб йиллар давомида кўплаб мамлакатлар томонидан ишлатилган.

Мақолада у замонавий хавфлар, жумладан, дронлар таҳдидига қарамай юқори жанговар самарадорлик кўрсатиши таъкидланган.

Рейтингда иккинчи ўринни Американинг М1 Абрамс танки эгаллади. Учинчи ўринни Исроилнинг Merkava V, тўртинчи ўринни Франциянинг Leclerc ХЛ, бешинчи ўринни Жанубий Кореянинг K2 Black Panther танклари эгаллади. Кейинги ўринларда Хитойнинг Т-99 ва Россиянинг Т-14 "Армата" самолётлари турибди. Ўнталикни Япониянинг Type 10 ва Британиянинг Challenger 2 танки якунлади.