АҚШда бир оиладан ўн киши ёнғин қурбони бўлди. Уларнинг барчаси ўт учирувчининг қариндоши бўлган

АҚШнинг Пенсилвания штатида икки қаватли хусусий уйда содир бўлган ёнғин оқибатида ўн киши, жумладан, уч нафар бола ҳалок бўлди, дея хабар бермоқда Associated Press.

Бундан ташқари, агентлик маълумотларига кўра, ҳалок бўлганларнинг барчаси воқеа жойига етиб келган ўт ўчирувчилардан бирининг қариндошлари бўлган. Кўнгилли ўт ўчирувчи Гаролд Бейкернинг Associated Press нашрига айтишича, ўнта қурбонлар орасида унинг ўғли, қизи, қайнотаси, куёви, келин опаси, уч набираси ва яна икки қариндоши бор. Унинг сўзларига кўра, унинг фарзандлари ва бошқа ўлган ёш авлод вакиллари катта қариндошлариникига меҳмонга борган.

Бейкер, шунингдек, ёниб кетган уйда 13 та ит ҳам борлигини айтди, бироқ уларнинг тирик қолган-қолмаганига аниқлик киритмади.

Терговнинг дастлабки маълумотларига кўра, ёнғин айвонда эрталаб соат иккиларда содир бўлган ва жуда тез тарқалиб кетган. Бу одамларнинг ёнаётган уйдан қочишига тўсқинлик қилган бўлиши мумкин. Ёнаётган уйдан уч киши чиқиб кетишга муваффақ бўлган.