АҚШ SpaceX компаниясига нисбатан текширув бошлаши мумкин

АҚШ Конгресси Вакиллар палатасининг уч нафар аъзоси Илон Маск асосчиси ва раҳбари бўлган SpaceX компаниясига нисбатан текширув ўтказиш зарурлигини маълум қилди.

“Коммерсант”нинг ёзишича, бундай талаблар Reuters агентлиги яқинда чоп этилган текширувидан сўнг қўйилган бўлиб, у Қўшма Штатлардаги SpaceX объектларида иш билан боғлиқ кўплаб жароҳатлар ҳақида хабар берган.

Агентлик маълумотларига кўра, 2014-йилдан буён қурилиш ва учириш майдончалари, йиғиш заводлари ва SpaceX нинг бошқа объектларида жами 600 га яқин ишчи жароҳат олган ва ҳодисалардан бири ходимнинг олган жароҳатлари туфайли ҳалок бўлиши билан якунланган.

Калифорния ва Нью-Жерси каби штатларни вакили бўлган демократ конгрессменлар "бу маълумотлар жиддий ташвиш уйғотади", деди.