Антарктидада Лондон катталигидаги айсберг парчаланиб кетди
Майдони 1550 кв км, эни 150 метр бўлган катта айсберг Антарктидадан бўлиниб чиқди
Бу ҳақда Британиялик олимлар хабар берди, дея ёзмоқда РИА Новости.
Маълум қилинишича, музнинг ёрилиши ҳақида хабар берган Британиянинг Halley тадқиқот станцияси ходимлари хавф остида эмас. Станция айсберг парчаланган жойдан 20 километр узоқликда жойлашган.
Ўтган якшанба куни содир бўлган бу воқеа сўнгги икки йил ичида қитъанинг ушбу қисмида иккинчи йирик айсберг парчаланиши бўлди.
Тадқиқотчиларнинг фикрича, музлик мураккаб тузилишга эга ва унинг парчаланиши оқибатларини олдиндан айтиб бўлмайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
