Ангела Меркел канцлер сифатида Парижга охирги ташрифини амалга оширди

Ангела Меркел Парижга Германия канцлери сифатида охирги расмий ташриф билан келди. Пайшанба куни у Елисей саройида Франция президенти Эммануэл Макрон билан учрашди.

Кун тартибига Афғонистондаги инқироз ва Европанинг стратегик автономияси муҳокама учун киритилган бўлиб, бу айниқса, "AUUKUS" ҳарбий иттифоқи тузилгандан кейин муҳим аҳамият касб этди.

"Албатта, Афғонистондаги НАТО миссиясининг тугаши биз учун нимани англатишини ва терроризмга қарши курашга қаратилган келажакдаги миссияларимиз ҳақида ўйлаймиз, шунингдек, бундай муваффақиятсиз якун ва эришилмаган мақсаддан қандай хулоса ва сабоқ чиқаришимиз кераклигини ҳам", – деди канцлер.

"Биз, албатта, Европанинг бирлашуви зарур бўлган бошқа соҳалар, биргаликдаги ишимиз ва Европа автономиясини ҳимоя қилиш ҳақида гаплашамиз. Масалан, Саҳел, Ливия ва Эрон минтақасидаги терроризмга қарши кураш масаласини биз июль ойида Берлинда муҳокама қилган эдик. Ҳамда биз ядро муаммосини, жумладан, сўнгги кунларда европаликлар қўшма стратегия қабул қилган Ҳинд-Тинч океани минтақасини муҳокама қиламиз", – деб ўз фикрини давом эттирган Меркел.

Германияда ўн кундан кейин парламент сайловлари ўтказилади. Улардан кейин Ангела Меркел канцлер лавозимидан ва катта сиёсатдан кетиши кутилмоқда.