Alibaba АҚШ ва Гонконгни устав капиталидаги иштироки ҳақида хабардор қилди
Ўтган ҳафта охирида Хитойнинг Alibaba онлайн-ритейлери АҚШ ва Гонконгдаги биржа регуляторларини Хитой давлатининг 12 та бўлинмасининг устав капиталидаги иштироки ҳақида хабардор қилди. Бу маълумотларнинг ошкор этилиши АҚШ Қимматли қоғозлар ва биржалар комиссияси (SEC) сўровидан сўнг амалга оширилди, деб хабар беради Bloomberg.
Хитой ҳукумати билан боғлиқ компаниялар Alibaba'нинг олтита тўғридан-тўғри сотув бўлинмаларида улушларга эга бўлиб, улар биргаликда компаниянинг 2022-2023-молиявий йиллардаги умумий даромадининг тахминан 6 фоизини ташкил қилади. Alibaba хабарномаларида айтилишича, 6 ҳолатдан 5 тасида давлат улушлари 10% дан, олтинчисида эса 30% дан ошмайди.
Бир неча кун олдин Хитой Коммунистик партияси мамлакат технология саноати, жумладан, корпоратив сектор устидан назоратни кучайтириш режаларини эълон қилган эди. Bloomberg экспертларининг фикрича, бундай баёнотлар инвесторларнинг хитойлик технологик компанияларга нисбатан хавотирларини кучайтириши ва хорижий тартибга солувчиларнинг эътиборини уларга қаратиши мумкин.
