Абу-Даби университети талабаси Фаластин шиори туфайли БААдан депортация қилинди

Жорий йилнинг май ойида Абу-Дабидаги битирув маросимида фаластиннинг анъанавий оқ-қора кафия шарфини кийган талаба «Фаластинга озодлик!» деб овозини баланд қилган.

Бир неча кундан кейин у Бирлашган Араб Амирликларидан депортация қилингани хабар қилинган.

Абу-Дабининг Associated Press нашрига айтилишича, университет май ойида унинг битируви олдидан электрон почта орқали барча «маданий кийимлар», шу жумладан шарфларни ҳам тақиқлаган. Бу огоҳлантиришга эътибор бермаган талаба маросим пайтида «Фаластинга озодлик!» деб бақиргандан сўнг полиция томонидан ҳибсга олинган.