ЖЧ-2026 учинчи саралаш босқичи доирасида Ўзбекистон миллий терма жамоаси 10 октябрь Эрон, 15 октябрь куни эса БАА терма жамоаси билан учрашади. Бугун Ўзбекистон футбол ассоциацияси президенти Абдусалом Азизов ана шу ўйинлар олдидан миллий терма жамоа аъзолари билан учрашди. Учрашув давомида ушбу баҳсларнинг аҳамияти, ғалабалар орқали Мундиал йўлланмасини қўлга киритишга яқин келишимиз мумкинлиги ҳақида сўз борди.
Бош мураббий Сречко Катанец бетоблиги сабаб йиғинга кела олмаганига қарамай, жамоа бор кучини ишга солган ҳолда, ижобий натижа қайд этишига ишонч билдирилди. Бу борада ёрдамчи мураббийлар зиммасида ҳам катта масъулуят бўлиши таъкидланди.
Ўз ўрнида жамоамизнинг бир қатор етакчи футболчилари ўз фикрларини билдириб ўтишди. Тиббий штаб ва жамоага алоқадор барча мутахассисларга тегишли кўрсатмалар берилди. Абдусалом Абдумавлонович бўлажак учрашувларда жамоамизга омад тилади.
Дам олиш кунлари республика ҳудудига Каспий денгизи жанубидан нам ва нисбатан салқин ҳаво массалари кириб келиши кутилмоқда. Ҳудуднинг катта қисмида ёғингарчиликсиз об-ҳаво сақланиб туради, фақат марказий ва шарқий ҳудудларда баъзи жойларда ёмғир ёғади, тоғ олди ва тоғли ҳудудларда айрим жойларда кучли бўлиши, баланд тоғларда қорга айланиши мумкин.
Исроил Эрон ва Қўшма Штатлар ўртасида можаро қўзғаш режасини тузмоқда. Бу ҳақда БМТ Хавфсизлик кенгаши йиғилишида Россиянинг БМТдаги доимий вакили Василий Небензя маълум қилди, дея хабар беради «ТАСС».
Бундан тўрт кун олдин, яъни 2024 йил 23 сентябр куни Вазирлар Маҳкамасининг “Давлат пенсия таъминоти тизимини ислоҳ қилиш концепциясини ишлаб чиқиш бўйича ташкилий чора-тадбирлар тўғрисида”ги 600-сонли қарори қабул қилинди.
Харков вилояти ҳарбий маъмурияти раҳбари Олег Синегубовнинг маълум қилишича, сешанба куни Россиянинг Харковга зарбалари натижасида камида 30 киши жароҳатланган.
Мирзо Улуғбек номидаги Ўзбекистон Миллий университети талабаси Маънавий-маърифий ишлар бўйича декан ўринбосарига салом бермагани учун узр сўрашга мажбурланди
2005 йилдан бери энг кучли тўфон - «Милтон» тўфони Флорида штати томон йўл олди - расмийлар миллионлаб одамларни эвакуация қилишга чақирди ва аввалги «Ҳелен» тўфони қолдиқларини олиб ташлашга шошилишмоқда.
Ҳар йили камида бир миллиард бола у ёки бу зўравонликка дуч келади. Бу дунё болаларининг ярми демакдир. Дунёдаги 2 ёшдан 4 ёшгача бўлган болаларнинг тўртдан уч қисми - тахминан 300 миллион нафари уйда ўз қаровчилари томонидан руҳий тазйиқ ёки жисмоний жазони бошдан кечиради.