21 йиллик тарих тугади: Лионел Месси ҳам, Криштиану Роналду ҳам «Олтин тўп»га даъвогарлар рўйхатига киритилмади

Лионел Месси ҳам, Криштиану Роналду ҳам сўнгги 21 йил ичида биринчи марта «Олтин тўп»га даъвогар бўлишмади.

Месси ушбу совринни саккиз марта қўлга киритиб, рекорд ўрнатган. Роналду эса беш марта, охирги марта 2017 йилда.

У ўтган йили Саудия Арабистони Про-лигасининг «Ал-Насср» жамоасига ўтганидан сўнг номзодликни қўлдан бой берди – аммо бу сафар иккала юлдуз ҳам биринчи марта рўйхатда йўқ, бу ҳолат 2003 йилдан бери содир бўлмаган.

Лука Модрич ва Карим Бензема Месси-Роналду монополиясини тўхтатган ягона шахслар бўлиб, мос равишда 2018 ва 2022 йилларда совринни қўлга киритган.

Чоршанба куни эълон қилинган 30 кишилик қисқа рўйхат эса катта юлдузлар билан тўла.

Англия терма жамоаси аъзолари Деклан Райс, Букаё Сака, Ҳарри Кейн , Жуд Беллингем, Фил Фоден ва Коул Палмер номзод сифатида кўрсатилган.

Айни пайтда, охирги марта учинчи ўринни эгаллаган «Реал Мадрид» нинг янги юлдузи Килиан Мбаппе ҳам рўйхатда.

Ўтган йилги иккинчи ўрин соҳиби Эрлинг Холанд ҳам ушбу соврин учун курашмоқда.

«Реал Мадрид» футболчиси Винициус Жуниор жамоасининг ЛаЛига ва Чемпионлар лигасида ғалаба қозонишида ҳал қилувчи роль ўйнаган ёрқин мавсумдан сўнг фаворитлардан бири бўлиши кутилмоқда.

Албатта, Беллингем ҳам Лос Бланкоснинг муваффақиятида муҳим роль ўйнади ва у ҳам рўйхатда бор.