2030 йилга келиб глобал иқтисодиёт ўсиши 30 йиллик минимал дражага тушади

2030 йилга келиб глобал иқтисодиёт ўсиши 30 йиллик минимал дражага тушади

Жаҳон банки маълумотларига кўра, 2030 йилга бориб глобал иқтисодий ўсишнинг “тезлик чегараси” (у инфляцияни қўзғатмасдан ўсиши мумкин бўлган максимал суръат) сўнгги ўттиз йилликда минимал даражага тушади.

Ташкилот вазиятга шундай баҳо берди “Узоқ муддатли ўсиш истиқболлари пасаймоқда: тенденциялар, тахминлар ва сиёсатлар”.

Маълумотларига кўра, сўнгги 30 йил ичида “тараққиёт ва фаровонлик”ни таъминлаган деярли барча иқтисодий кўрсаткичлар аста-секин сўниб бормоқда.

Жаҳон банки 2022 ва 2030 йиллар оралиғида ялпи ички маҳсулотнинг ўртача глобал потенсиал ўсиши тахминан 2,2 фоизга, яъни XXI асрнинг биринчи ўн йиллигида қайд этилган суръатларнинг учдан бирига қисқаришини кутмоқда.

“Бу жаҳон иқтисодиёти учун йўқотилган ўн йил бўлиши мумкин. Потенсиал ўсишнинг давом этаётган пасайиши тобора ортиб бораётган муаммоларни ҳал қилишнинг умумий қобилиятига жиддий таъсир кўрсатади: қашшоқлик, даромадлар тенгсизлиги ва иқлим ўзгариши”, — дейди Жаҳон банки бош иқтисодчиси Индермит Гилл.

Ҳисобот муаллифлари миллий даражада оқилона сиёсатни шакллантиришнинг аниқ усулларини тақдим этган: пул-кредит ва фискал сиёсатни мослаштириш, инвестицияларни кўпайтириш, савдо харажатларини камайтириш, хизмат кўрсатиш соҳасидан фойда олиш, демографик ва ишчи кучи муаммоларига эътибор қаратиш.

Ниҳоят, ҳисоботда глобал ҳамкорликни мустаҳкамлаш зарурлиги таъкидланган. Унинг тикланиши савдони рағбатлантириш, инвестицияларни жалб қилиш ва иқлим ўзгаришига қарши курашни жадаллаштиришга ёрдам беради.

2023 йил бошида Жаҳон банки глобал ўсиш прогнозини 2023 йилда 1,7 фоизгача ва 2024 йилда 3 фоизгача қайта кўриб чиққан эди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!