Xalqaro festivalda O‘zbekiston jamoalari g‘olib bo‘ldi

Shu yilning 7-12 iyul kunlari Turkiyaning Bursa shahrida "Oltin qorako‘z" 36-xalqaro folklor xalq raqs festivali bo‘lib o‘tdi.

Unda dunyoning 20 dan ortiq davlatlari qatorida O‘zbekiston davlat filarmoniyasining "Navbahor" raqs ansambli hamda "Bek" doirachilar ansambli ishtirok etdi.

Olti kun davom etgan tanlovda 1-o‘rin O‘zbekiston delegasiyasiga berildi. 2-o‘rin Turkmaniston delegasiyasiga, 3-o‘rin Bolgariya delegasiyasiga nasib etdi.

"Oltin qorako‘z" festivali 62 marotaba o‘tkazilgan bo‘lib, 36 yildan buyon konkurs sifatida tashkil etib kelinmoqda. Festivalning 62 yillik tarixida O‘zbekiston ilk bor 1-o‘rinni egalladi.