O‘zbekistonda Coca-Cola korxonasi xususiylashtirilishi kutilmoqda
Moliya vazirligida Yevropa taraqqiyot va rivojlanish banki, The Coca-Cola Company (AQSh) va Coca-Cola İçecek (Turkiya) vakillari bilan muzokaralar bo‘lib o‘tdi. Bu haqda Sputnik xabar bermoqda.
Uchrashuvda «Coca-Cola Ichimligi Uzbekiston Ltd» korxonasiga strategik hamkorni taklif qilish masalasi ko‘rib chiqildi. Ushbu masalani hal qilishda Yevropa taraqqiyot va rivojlanish banki yordam ko‘rsatishi mumkin.
Ayni paytda korxonaning 57,1 foiz aksiyasi «O‘zbekoziqovqatxolding» kompaniyasiga, 42,9 foizi esa The Coca-Cola Export Corporation korporasiyasiga tegishli.
Ma’lumot uchun, «Coca-Cola Ichimligi Uzbekiston Ltd» qo‘shma korxonasi 1993 yilda tashkil qilingan. Bugungi kunda kompaniyaning O‘zbekistonda 3 ta: Toshkent, Namangan va Urganchda zavodlari bor.
