Ukraina yaqin kunlarda Germaniyaning Quantum-Systems GmbH kompaniyasidan 105 ta Vector dronlarini oladi

Ukraina yaqin kunlarda Germaniyaning Quantum-Systems GmbH kompaniyasidan 105 ta Vector dronlarini oladi. Bu haqda Ukraina Mudofaa vazirligining Bosh razvedka boshqarmasi xabar berdi.

2022 yil avgust oyida Ukraina xuddi shu rusumdagi 33 ta nemis dronlariga buyurtma bergan edi. Ular jang maydonida o‘zining yuqori samaradorligini ko‘rsatdi.

Ma’lumot uchun, Vector droni elektro-optik va infraqizil datchiklar bilan jihozlangan bo‘lib, dushman nishonlarini kechayu kunduz aniqlash imkonini beradi. Dronning mustahkam dizayni esa ob-havo omillari ta’sirini yo‘q qiladi. Qurilmaning tezligi soatiga 72 km gacha. Bitta parvozning davomiyligi 120 daqiqa.

Xavfsiz ma’lumotlarni uzatish kanallari tufayli Vector jangovar missiyalar paytida yerosti stansiyalariga real vaqt rejimida videoni uzatishi mumkin.

Dron ma’lumotlarni tahlil qilish uchun ilg‘or sun’iy intellekt imkoniyatlari bilan jihozlangan: o‘rnatilgan algoritmlar ob’ektlarni avtomatik aniqlash va muhim razvedka ma’lumotlarini yerga darhol uzatish imkonini beradi.