Turkiyaning Antaliya kurortida o‘rmon yong‘inlari boshlandi

NTV telekanali Turkiyaning Antaliyaning Konyaalti hududida noma’lum sabablarga ko‘ra o‘rmon zonasida yong‘in sodir bo‘lganini xabar qildi.

“Antaliyaning Konyaalti hududida noma’lum sabablarga ko‘ra Tyunektepe teleferik yaqinidagi o‘rmon hududida yong‘in chiqdi. Xabardan so‘ng Antaliya o‘rmon xo‘jaligi boshqarmasining guruhlari hududga jo‘natildi”, - deya xabar beradi “RIA Novosti”.

Qayd etilishicha, yong‘inni o‘chirishda beshta vertolyot va to‘rtta samolyot ishlamoqda.

Aniqlik kiritilishicha, yong‘in tufayli teleferiklarning ishi to‘xtatilgan.

Avvalroq Turkiya prezidenti Rajab Toyyib Erdo‘g‘on o‘rmonga o‘t qo‘yganlik uchun jazo sifatida o‘lim jazosini joriy etish g‘oyasini qo‘llab-quvvatlagan edi.

Turkiya Adliya vazirligi allaqachon o‘rmonlarni yoqish uchun jazo choralarini ko‘rib chiqish jarayonini boshlagan.