Toshkentda 1 oktyabrdan 8 ta avtobusning harakat yo‘nalishi o‘zgaradi

«Toshshahartransxizmat» matbuot xizmati Toshkent shahrida harakatlanuvchi 8 ta avtobus yo‘nalishiga o‘zgartirish kiritilgani haqida xabar berdi.

O‘zbekiston Vazirlar Mahkamasining 2020 yil 16 martdagi «Toshkent shahar yo‘lovchi transporti tizimini takomillashtirish chora-tadbirlari to‘g‘risida»gi 157-sonli qaroriga asosan avtobus va yo‘nalishli taksi yo‘nalishlarining o‘zaro harakat yo‘nalishini takrorlashini kamaytirish maqsadida, Toshkent shahridagi yo‘nalishlar tarmog‘ini maqbullashtirish ishlari amalga oshirilmoqda.

Ma’lum qilinishicha, 2020 yilning 1 oktyabr sanasidan 9, 52, 53, 65, 71, 109, 149, 188-avtobus yo‘nalishlari maqbullashtiriladi.