Tayson bir yilda qancha jang o‘tkazmoqchi ekanligini aytdi
Amerikalik og‘ir vazn toifasidagi bokschi Mayk Tayson har ikki oyda bir marta jang o‘tkazishni istashini ma’lum qildi.
Sportchining so‘zlariga ko‘ra, ilgari u yiliga 15 ta jang o‘tkazgan, shuning uchun u bu ko‘rsatkichga intilishni xohlaydi, ammo o‘z imkoniyatlarini ham hisobga oladi. Shuningdek, Tayson uni yana semiz yoki giyohvand deb atashlarini istamasligini ta’kidladi.
Tayson va uning vatandoshi Roy Jons ishtirokidagi ko‘rgazma jang 29 noyabr kuni bo‘lib o‘tdi va durang bilan yakunlandi. Ikkala bokschi ham to‘qnashuv natijasidan norozi bo‘lishdi. Sportchilar yana jang o‘tkazish istagini bildirishdi.
Aprel oyining oxirida Tayson xayriya turnirlari uchun professional ringga qaytish istagini bildirgandi. Amerikalik 2005 yildan beri jang qilmayapti.