“Real” Azarni sotib olmaydi, Lopetegi yangi yetakchini belgilab oldi

Nihoyat, “Real” hamda Azar mojarosi yakuniga yetadigan ko‘rinadi.

“Qirollik klubi” belgiyalik futbolchini sotib olishga boshqa harakat qilmaydi. Sababi, “aristokratlar”ning talablari Madrid klubi rahbariyatiga unchalik ma’qul kelmayapti. Qolaversa, “Real” murabbiysi ham Azarni sotib olish muhim emas, deb hisoblamoqda.

“AS” nashrining xabar berishicha, Xulen Lopetegi jamoada Ronalduning o‘rniga yangi yetakchini aniqlab oldi. Ispaniyalik mutaxassis endi “Real”ning o‘yinini Isko atrofida qurmoqchi. Lopetegi Isko maydonda aynan Azarning pozisiyasida harakat qilishi sababli belgiyalik futbolchining transferini ma’qullamayapti.