Putin va Zelenskiy Turkiyaga tashrif buyuradi
Inaugurasiyadan so‘ng Turkiya prezidenti Rajab Toyyib Erdo‘g‘on bilan uchrashish uchun Rossiya va Ukrainadagi hamkasblari Vladimir Putin va Vladimir Zelenskiy tashrif buyurishni rejalashtirmoqda, deb xabar berdi Hurriyet muxbiri Hande Firat CNN Turk manbalariga tayanib.
Uning so‘zlariga ko‘ra, inaugurasiyaga ko‘plab xorijiy yetakchilar keladi va Putin “alohida va shaxsiy tashrif” qiladi, shundan so‘ng Zelenskiy ham respublikaga tashrif buyuradi.
“Putin va Zelenskiy birin-ketin amalga oshiradigan ushbu tashriflar chog‘ida urushning borishi va don yo‘lagi muhokama qilinadi”, dedi Firat.
Jurnalistning so‘zlariga ko‘ra, yaqinda Erdo‘g‘on va AQSh prezidenti Jo Bayden o‘rtasidagi telefon muloqoti chog‘ida ikkinchisi G‘arbning Turkiyaga bosimini adolatli deb hisoblamasligini aytgan.
Prezident Erdog‘anning inaugurasiya sanasi hali rasman e’lon qilingani yo‘q. Juma kuni Turkiya prezidenti Beshtepeda xorijiy davlatlar rahbarlari ishtirokida ziyofat uyushtirib tabriklarni qabul qiladi.
"Turkiya Putinga inaugurasiyada ishtirok etish uchun taklif yubormagan, bu mamlakatda xorijiy prezidentlarning marosimda ishtirok etish amaliyoti yo‘q.,Shaxsiy uchrashuv qaysidir nuqtai nazardan ham albatta bo‘lib o‘tadi, ammo hozircha vaqt bo‘yicha taxminlar yo‘q",dedi bir kun avval Kreml.
29-may kuni Putin va Erdo‘g‘on qo‘ng‘iroq qildi, Rossiya prezidenti uni ikkinchi marta qayta saylangani bilan tabrikladi. O‘sha kuni Erdo‘g‘an Zelenskiy bilan gaplashdi, ular Ukrainadagi mojaro va mintaqaviy muammolarni muhokama qilishdi.
