Putin: maxsus harbiy operasiyaning barcha vazifalari amalga oshiriladi

Peterburg xalqaro iqtisodiy forumida so‘zga chiqqan Vladimir Putin Rossiyaning Ukrainaga bostirib kirishi haqida gapirib, "maxsus operasiya"ning barcha vazifalari bajarilishini yana bir bor ta’kidladi. U yana operasiyadan maqsad Donbass aholisini himoya qilish ekanini qayd etdi.

Uning so‘zlariga ko‘ra, maxsus operasiya o‘tkazish to‘g‘risida qaror qabul qilish murakkab bo‘lsa ham, bunga majbur bo‘lishgan. "Bu sakkiz yil davomida genosidga uchragan Donbass aholisini himoya qilishga qaratilgan edi", — deb ta’kidladi Putin.