Putin AQSh prezidenti bo‘lishni juda xohlaydi – Bayden

AQSh prezidenti Jo Bayden o‘z mamlakatiga nisbatan optimist va har qanday davlat rahbari, jumladan, Rossiya va Xitoy ham Oq uy rahbari bilan o‘rin almashishni xohlashiga ishonadi. U bu fikrini Jimm Fellon kechki shousi davomida bildirdi.

“Xitoy va Rossiya yetakchilaridan tortib, hamma men bilan o‘rnini almashtirishni istamaydigan birorta ham jahon yetakchisini bilmayman”, — deya TASS amerikalik yetakchining so‘zlaridan iqtibos keltiradi.

U o‘z nuqtai nazarini Qo‘shma Shtatlardagi “ko‘proq imkoniyatlar”, “ilm-fan va texnologiya yaxshiroqligi” bilan izohladi.