Pulli avtomobil yo‘llari to‘g‘risidagi qonun loyihasi e’lon qilindi

Umumiy yo‘llardagi yukni kamaytiradigan va transport vositalarining sig‘imini oshiradigan muqobil avtomobil yo‘nalishlarini yaratish rejalashtirilmoqda.

“Pulli avtomobil yo‘llari to‘g‘risida”gi qonun loyihasi muhokama uchun e’lon qilindi.

Qonun loyihasining ijtimoiy-iqtisodiy oqibatlari sifatida quyidagilar keltirilgan:

• pulli yo‘llarni tegishli tartibda ta’mirlash va muntazam ta’mirlash uchun to‘lovlarni yetarli miqdorda undirish orqali byudjetga yukni kamaytirish;
• yo‘l infratuzilmasini rivojlantirish;
• avtotransport vositalarining harakatini tezlashtirish;
• umumiy yo‘llardagi yukni kamaytiradigan va transport vositalarining sig‘imini oshiradigan muqobil avtomobil yo‘nalishlarini yaratish;
• baxtsiz hodisalar va natijada xalqaro standartlarga muvofiq qurilgan zamonaviy yo‘llarda o‘lim va jarohatlar sonini kamaytirish;
• yangi ish o‘rinlarini yaratish.

Shuningdek, avtomobil yo‘llar sifatini yaxshilash va eng maqbul tezlik rejimidan foydalanish avtotransport vositalarining yonilg‘i sarfini taxminan 10-15 foizga kamaytiradi va harakatlanish vaqtini qisqartiradi.

Bundan tashqari, yo‘l qoplamasining yaxshilanishi avtotransport vositalari va shinalarning yurish qismlar va pokrishkalar ishlash muddatini (taxminan o‘nlab foizga) oshiradi va natijada tegishli komponentlarni almashtirish xarajatlarini kamaytiradi.

Foydalanuvchilarning xarajatlari to‘liq qoplanadi, negaki yaxshilangan yo‘l sharoitlari ijobiy ta’siri yo‘l haqi miqdoridan bir necha baravar yuqori bo‘ladi.

Yo‘l sohasining rivojlanishi ham xususiy biznes sohasiga, ham davlat iqtisodiyotiga ijobiy ta’sir ko‘rsatadi.

Qonun loyihasining amaldagi tuzilishi quyidagicha:

1-bob. Umumiy qoidalar (1-11-moddalar)
Ushbu bobda qonun loyihasining maqsadi va qo‘llanilish sohasi, asosiy tushunchalar va tamoyillar, shuningdek pulli yo‘llarga egalik qilish va pulli avtomobil yo‘llarini tashkil etish uchun yer uchastkalari berish belgilangan.

2-bob. Pulli avtomobil yo‘llar sohasidagi boshqaruv (12-18-moddalar)
2-bob pulli avtomobil yo‘llari sohasidagi davlat boshqaruvini va davlat organlarining vakolatlarini belgilaydi.

3-bob. Pulli avtomobil yo‘llarini moliyalashtirish, qurish va ekspluatasiya qilish tartibi (19-22-modda)
Ushbu bobda pulli yo‘llarni moliyalashtirish yo‘llari, pulli yo‘llar sohasida davlat-xususiy sheriklik to‘g‘risidagi bitimning muhim shartlari, shuningdek muqobil bepul harakatlanish imkoniyatlari nazarda tutilgan.

4-bob. Pulli avtomobil yo‘lidan harakatlanishni tashkil etish tartibi (22-28-moddalar)
Ushbu bobda pulli yo‘ldan foydalanish shartlari, to‘lovlarni yig‘ish va olingan mablag‘larni taqsimlash tartibi, pulli yo‘llardan operator va foydalanuvchining huquq va majburiyatlari ko‘rsatilgan.

5-bob. Yakunlovchi qoidalar (29-32moddalar)
Qonun loyihasining yakuniy bobida pulli yo‘ldan foydalanganlik uchun haq olishni to‘xtatish va to‘xtatib turish holatlari, nizolarni hal qilish sohasidagi tartibga solish va amaldagi qonun hujjatlarini buzganlik uchun javobgarlik, shuningdek ijro yetilishi va qonun loyihasiga muvofiqlashtirish holatlari ko‘rsatilgan.