Peru Eron bilan diplomatik aloqalarni uzdi

Peru Yaqin Sharqdagi keskinlikning yangi bosqichi va Vashington va Tehron o‘rtasidagi harbiy qarama-qarshilikning qayta tiklanishi fonida Eron bilan diplomatik munosabatlarni uzganini e’lon qildi, deb xabar beradi Anadolu. Peru Tashqi ishlar vazirligining ta’kidlashicha, bu qaror Peruning "tinchlikka bo‘lgan tarixiy sodiqligi," xalqaro huquqqa hurmat va demokratik qadriyatlarni himoya qilish zarurati asosida qabul qilingan. Xususan, Lima Erondagi huquq va erkinliklar bilan bog‘liq vaziyatdan xavotir bildirdi. Peru tomoni tinch namoyishlarning bostirilishi, matbuot erkinligining cheklanishi, ayollar va qizlarning kamsitilishi, shuningdek, siyosiy raqiblarning ta’qib qilinishini ta’kidladi. Yana bir omil xalqaro savdo uchun xatarlar bo‘ldi. Peru hukumati mart oyidan beri Xo‘rmuz bo‘g‘ozi orqali kema qatnovida kuzatilayotgan uzilishlardan xavotir ortib borayotganini ma’lum qildi. Lima vaziyatning yanada yomonlashishi energiya narxlari va global ta’minot zanjirlariga ta’sir qilishi mumkinligi haqida ogohlantirdi.