Ozarbayjon prezidenti Ilhom Aliyev Toshkentga keldi

Aeroportda oliy martabali mehmonni O‘zbekiston bosh vaziri Abdulla Aripov va boshqa rasmiy shaxslar kutib oldi.

Ikki kunlik tashrif davomida sanoat, transport, qishloq xo‘jaligi, energetika, fan va innovasiyalar, turizm va boshqa sohalarda amaliy hamkorlikni chuqurlashtirishga qaratilgan mustahkam ikki tomonlama hujjatlar to‘plamini imzolash rejalashtirilgan.

Aliyevning kelishi arafasida Toshkentda O‘zbekiston va Ozarbayjonning yetakchi kompaniya va korxonalari ishtirokida ishbilarmonlik tadbirlari bo‘lib o‘tadi.