Oliy ta’lim tashkilotlari milliy reytingi yangicha tartibda yuritiladi

Oliy ta’lim tashkilotlarining milliy reytingini yuritish tartibi bo‘yicha nizom loyihasi jamoatchilik muhokamasiga qo‘yildi. Unga ko‘ra, milliy reyting 2026 yil 1 yanvardan boshlab amal qiladi.

Reytingda tashkiliy-huquqiy shaklidan qat’i nazar, tashkil etilganiga kamida 3 yil bo‘lgan va bitiruvchilari mavjud oliy ta’lim tashkilotlari ishtirok etadi. Oliy harbiy, harbiylashtirilgan, ixtisoslashtirilgan oliy ta’lim va ilmiy-tadqiqot muassasalari reytingga kiritilmaydi.

📊 Milliy reyting OTMlar kontingenti va yo‘nalishiga qarab toifalar asosida yuritiladi:
— ijtimoiy-gumanitar fanlar;
— amaliy fanlar;
— tibbiyot fanlari;
— ijod va sport yo‘nalishidagi OTMlar.
💻 Har bir OTM reyting uchun zarur ma’lumotlarni maxsus elektron platformaga har yili 1 fevralgacha kiritishi shart.

🗓 Tahlil natijalari asosida shakllantirilgan milliy reyting har yili 31 oktyabrga qadar e’lon qilinadi (https://t.me/nodavlattalim/4599).

📑 Reytingni baholash mezonlari alohida jadval asosida belgilanib, ta’lim sifati, ilmiy salohiyat va boshqa ko‘rsatkichlar inobatga olinadi.