"Majbur bo‘ldik" — Lukashenko Belarusdan Ukrainaga raketa uchirilganini tasdiqladi

Belarus prezidenti Aleksandr Lukashenko Belarus hududidan Ukrainadagi pozisiyalarga raketalar uchirilganini tasdiqladi, deb xabar beradi 27 fevral kuni BelTA.

U yangilangan Konstitusiya bo‘yicha referendumda ovoz berishdan so‘ng shunday bayonot berdi.

Lukashenko «bu majburiy qadam bo‘lganini» ta’kidladi. Uning so‘zlariga ko‘ra, raketa batalyonlari Ukraina tomonida, Belarus bilan chegaradan bir necha kilometr uzoqlikda joylashgan bo‘lib, «bir necha daqiqa ichida Rossiya pozisiyalariga zarba berishga tayyor».

Rossiyaning Meduza nashriga ko‘ra, jurnalistlarga bergan intervyusida Lukashenko Ukrainada Belarusning birorta askari ham, bitta jangovar mashinasi ham, birorta ham belarus homiysi yo‘qligini ta’kidlagan.