Jizzaxda mineral o‘g‘itlarning noqonuniy aylanmasi to‘xtatib qolindi

Jizzax viloyati bojxona boshkarmasi Kontrabanda va BKBga karshi kurashish bo‘limi xodimlari viloyat IIB YPX vakillari bilan hamkorlikda G‘allaorol tumani hududida tezkor tadbir o‘tkazishdi.

Tadbir davomida “Jizzax-Samarqand” yo‘nalishi bo‘yicha harakatlanib kelayotgan fuqaro E.E boshqaruvidagi yuk transport vositasi to‘xtatilib ko‘zdan kechirilganda, uning yukxonasida boshqa bir fuqaro A.SH.ga tegishli bo‘lgan, hech qanday hujjatlari mavjud bo‘lmagan, jami 1,5 tonnaga yaqin “Ammofos” nomli mineral o‘g‘itlar borligi aniqlandi.

Hozirda holat yuzasidan bojxona organlari tomonidan surishtiruv ishlari olib borilmoqda.