Germaniyada harbiy xizmatdan bosh tortganlar soni keskin oshdi

"​Joriy yilning birinchi yarmida harbiy xizmatdan bosh tortish to‘g‘risida 5 862 ta ariza topshirildi", — deb xabar bermoqda RND mediaguruhi Oila va fuqarolik jamiyati masalalari bo‘yicha federal idora vakiliga tayanib.

Taqqoslash uchun, butun 2025 yil davomida bunday arizalar soni 3 867 tani, 2024 yilda esa 2 998 tani tashkil etgan edi.

​Bunga xavfsizlik sohasidagi tarang vaziyat hamda 1 yanvardan kuchga kirgan bundesverga chaqiruv islohoti to‘g‘risidagi qonun sabab bo‘lgan. Unga ko‘ra, 2026 yildan boshlab 18 yoshli yigitlar Germaniya qurolli kuchlariga qo‘shilishga tayyorligi haqidagi savolga javob berishi kerak bo‘lgan anketani to‘ldirishi lozim bo‘ladi.

​2011 yilda to‘xtatilgan majburiy harbiy xizmat bundestag qarori bilan qisman qayta joriy etilishi mumkin. Agar kerakli miqdordagi ko‘ngillilarni yig‘ishning iloji bo‘lmasa, "zaruriyat bo‘yicha harbiy majburiyat" deb nomlangan tizimni ishga tushirish rejalashtirilmoqda.

2035 yilga borib harakatdagi harbiy xizmatchilar soni 186 000 dan 260 000 nafargacha ko‘payishi kerak.