Bekobodda davlat byudjetini o‘margan rahbarlar fosh qilindi
Departamentning Bekobod tuman bo‘limi tomonidan o‘tkazilgan tergovga kadar tekshiruv davomida, 2017 yilning noyabr-dekabr oylarida 237,7 mln. so‘m talon-taroj qilingani aniqlangan.
Ushbu pullarni tumandagi Qishloq va suv xo‘jaligi, Statistika, Yer resurslari va davlat kadastri bo‘limlari rahbarlaridan iborat komissiya a’zolari 25 nafar fermer xo‘jaliklariga noqonuniy ravishda moliyaviy qo‘llab-quvvatlash mablag‘larini byudjetdan ajratib, fermer xo‘jaliklari hisob-raqamlariga o‘tkazib, byudjet mablag‘larini o‘marganliklari ma’lum bo‘lgan.
Mazkur holat yuzasidan yuqoridagi tashkilotlar mansabdor shaxslariga nisbatan Jinoyat Kodeksining tegishli moddalari bilan jinoyat ishi qo‘zg‘atilib, tergov harakatlari olib borilyapti.
Manba: qalampir.uz
